To wapas se philosophy type kuchh likhane ja rha hu kaafi time baad.

Hua kuchh yu ki kuchh din pahle subah-subah uthate ke sath hi pata chala ki pados ki ek bachhi death kr gayi, reason- thand lagne ki wajah se. Uske yaha nanihal tha, and uske family wale yahi rhte the kyuki uske koi mama nhi hain. Uske papa ka dukan hai, and dukan pe kabhi-kabhi wo bhi rhti thi. To us din subah me ekdm maatam ka kahual tha. Main just nind se uth ke just gate ke pas gaya hi tha ki, same time dekha ki samne se log uske body ko lekar ja rhe the, kaafi rote huye. 

Yaar jb bhi isase related incidents ko imagine krta hu dimag me uska wo masum chehra najar aane lgta hai. 

Main topic ye hai ki kaafi pahle ke time se ye chalte aaya hai ki kisi ke dehant hone ke baad 11 din tk shok manaya jata hai and 12/13th din ko priti bhoj rakha jata hai, jisme log aakar khana khate hain. Ab isme koi burai nhi hai, unless kisi aged aadmi ka natural death hota hai, jisne apni puri jindagi dekh/ji li.  Aur aise case me log khushi-khushi khilate hain. But in some other circumstances agr koi mid life me hi ya young age me hi death kr jata hai, to socho waise family me 11 din tk shok manaya jaay to kaisa mahaul rahega. Aur priti bhoj ke din bhi kya log khushi-khushi buniya-pudi khayenge!

Ab current case ki baat kare, to wo to aur bhi bachhi thi. Abhi is saal matric ka exam dene wali thi. Aur is age me hi death kr gayi. Khair uske faimly walo ko 11 din tk shok manane wala ritual sahi nhi laga hoga, kyuki kaun bhala 11 din tk roj use yaad kr-krke dukh me jiye, aur aaj ke time me kinhi relative ke pas itna time bhi nhi hai ki wo 10-12 din tk kahi aur jakar rahe. To unhone kuchh hi din baad sara kriya-karm krne ka socha. 

Aur kl dasvi tha, mere ghar bhi angaya aaya tha. Pr yaar main jb bhi isase related kuchh sochta to mere dimag sirf uska wo masum chehra najar aata. To main kl bhi khane nhi gaya. Aur aaj priti-bhoj tha, aaj bhi angaya aaya tha. Pr wapas se wahi scene, main jb bhi kuchh sochu, to dimag me uska chehra najar aata. Aur aise me us khane ka niwala mere gale se niche nhi utarta. To main to khane nhi gaya.

Ab yaar agr tum socho, to ye kitna kharab parampara chalte aa rha hai. Like tum apne dost se hr wo baat pe party mangate hoge jb bhi uske sath kuchh achha hota hoga. Pr jb uska kimti phone tut jaye, uske kisi karibi ko kisi prakar ka nuksan ho jaye tb to party nhi mangate hoge na? Kyuki after all, ye to bhala koi khushi manane wala situation nhi hua n. In a similar way, jb kisi ki beti ka dehant hua ho, to socho wo insaan kya bhala khushi-khushi khilayega kya kisi ko? Mujhe to soch ke hi ajib lgta hai ki bhala hm log kisi aise ke death pe bhi is tarah ka rituals kyu follow krte hain. Ye bhala koi khushi jahir krne wali baat to hai nhi. 

Ksm se yaar uska chehra mere dimag se ja nhi rha. Jb bhi us dukan pe jaunga, ya waha se gujarate rahunga to mere dimag me bs uska hi chehra aayega. 

To main to lastly yahi kahunga ki we should stop such rituals ASAP.