04 Jan, 2024
08:53 AM
Waise fake feminist ka opposer hone ke naate mujhe ye post kaafi pahle likhna chahiye tha, but koi nhi, jb jaago, tabhi savera. Haan, to yaha main apne opinoin dene wala hu, jo ki completely different hoga <at least mujhe to aisa hi lgta hai>
To maine kai jagah pe suna ki ye sb outrage bs 1-2 mahine ke liye hoga, fir sb bhul jayenge, fir kisi aur ka kaacha badam viral hoga, aur log uspe baat krne lagenge. Yaha baat krne se mera mtlb hai us topic pe video banana. Aur dekha jaye to yhi trend hai internet ki duniya ka, starting ke 1-2 months me itna jyada outrage hoga ki puchho mt, hr jagah bs usi chij ki baatein hongi, pr kuchh time baad kisi ko fark nhi padta ki us case me aage kya hua, culprit mila ya nhi, use saza mili ya nhi.... kisi ko fark nhi padta us case se related update lete rhne ka. Agr aaj main aapse puchhu ki RG Kar medical case me aage kya hua, to aap me se 90% logo ke pas koi jawab nhi hoga.
Chali ek simple se roj marra ki aam jindagi se ek incident utha kr dekhte hain. Aapke kisi male relative ki death ho jati hai, jo ki apni family ka only earning member tha, wo mid-life me tha, yani age karib 35-40 ke aas-pas. Ab aap unke ghar jate ho, unke bacche ko thoda, consolidate krte ho, us dauran jo bhi kriya karm hota hai, usme apna yogdan dete ho. aur kuchh cases me agr wo financially weak ho to, baki log milke unhe financially thoda supprt kr dete ho... Kuchh din tk ghar me khub rona dhona chalta hai, aas-pados me koi ghor-sharaba ya celebration type kuchh nhi hota, kyuki kahi na kahi sb log uske chale jaane ki gam me dube rhte hain. Pr ye sb bhi kuchh 10-20 dino tk hi chalta hai, uske baad sb apne-apne raste ho lete hain. Kisi ka boss jaldi bula rha hota hai, to kisi ka manager use pending task yaad dila deta hai, kisi ke bachhe ka anual exam hone wala hota hai, to kisi ki wife ka delivery date najdik aa chuka hota hai. Yani simple bole to, sb kisi n kisi personal kaam me busy ho jate hain, aur ab unka dhyan un pr se hat chuka hota hai. In fact uske khud ke ghar wale aage ki jindagi me move-on kr chuke hote hain. Aur bhala kare bhu kyu na, ab yu hi jindagi bhar uske chale jane ka rona-dhona to nhi kr skte na, aur agr kare bhi to kya hi hoga usase, kya unki life sudhar jayegi, NHI. Ulta ukne khud ke aas-pados wale unhe bevkoof aur pagal kahenge.
Ab agr kuchh time ke liye ise Atul Subhash case se relate krke dekho, kya ho agr koi YouTuber isi topic ko pakad ke baitha rhe, kya same topic ke 15th video pe utne hi likes/views/reach/impression aayenge jitna ki same topic ke 1st video pe aaya tha..??
PK movie ki ek bahut hi achhi line batana chahunga "PK! logo ko hamesha koi nhi baat chahiye" timestamp-1:57:30
Hamari midset bhi isi hisab se kaam krti hai. Aap aaj ke news channels ko hi utha ke dekh lo, unka hr dusra news mirch-masalo se bhara pada hai, hr algi news kuchh aisi hogi, jisme aapko kuchh naya milega, lagega jaise aisa to pahle kahi nhi suna. Aur aisi hi news pe jyada engagement aate hai. Exapmple ke liye 2 similar but alg-alg news lete hain:
'raat ke wakt chor aaya, chori kiya, fir kisi ne dekh liya to uska murder krke chala gaya'
'raat ke wakt chor aaya, chori kiya, fir kisi ne dekh liya to usase daya ki bhikh mangane laga, apne bachhe ki hospital me bharti hone ke baare me bataya to, usne khud se hi use 20000 aur diye ilaj ke liye'
Ab aap khud soch ke dekho, isme se kis news pe jyada reach aur engagement aayega. Aur YouTubers ko bhi to chahiye reach aur engagement, pr isi view... ke chakkar me khud ko bech dena aur anaitik baatein krna bhi sahi nhi hai.
To bhaal khud socho kya isi topic ko pakde rhne se kisi ka ghar chalega kya bhala...
Haan is baat ko main pura support krta hu ki Atul ko justice milna chahiye, use jis kisi ne bhi sataya hai use kadi se kadi saja milni chahiye... Sath hi main ye bhi nhi kahta ki is topic pe baat nhi honi chahiye. Bilkul honi chahiye, taki future me koi aur Atul part 2 na nikle. Pr kya iske liye sirf AC me baith kar, chai-coffee pite huye podcast krne se matter solve ho jayega kya? Jarurat hai to reforms laane ki, Judiciary me reform, gorund level pe reform. Apne hr karibi ko sahi-galat me support krna ka reform, taki fir agr koi Nikita Singhania aisa krna chahe, to usase pahle use hajar baar sochna pade, taki fir agr koi Atul aisa video banana chahe to usase pahle wo 2 logo se kuchh persoanl talk kar sake, taki fir agr koi Maa apne bete ke liye rishta khojne nikle, to use aisa n lage ki uske ghar ki bahu bhi Nikita Singhania jaisi nikle.
To ye tha mera opinion, is case ko lekar, baki aapke kya vichar hain niche comments me likh skte ho ya fir is link ke through bhi anonymously mujhe message bhej skte ho.
0 Comments