28 October, 2025
07:24 AM

Abhi 11:30 baje se exam hai, and maine sirf 40% syllabus hi padha hai, wo bhi last ke 2 dino me, and main academics chhodkar yaha likh rha hu, mtlb baat sach me kuchh serious hai.

Abhi karib 15 minute mere mn me yahi sawal aaya ki pahle main kitna likha krta aur ab bilkul bhi nhi likhta, aur likhta bhi hu to use post nhi krta. To, usi sawal ka jawab dhoodhane yaha hu, wo bhi likh kar.

Likhane ki aadat to meri bachpan se hi rhi hai, badla hai to bs ye ki main likh kya raha hu. Mujhe asal me jo likhane ki aadat/lat jo lagi hai wo 7th class se lagi hai. Aur haan tb se lekar aaj tk bhi mere likhawat me kaafi kuchh badlav aaye hain. Maine jb online likhna start kiya to main yu hi bs roj marra ki baatein likha krta tha, like maintaining a online diary... Jise padhne ka intrest kuchh logo me to kaafi hota tha... sath hi wo likhawat kaafi sudhari hui hua krti thi, like main jo bhi kahna chahta hu unhe saaf shabdo me kah deta tha. Usme alankar jaisa kuchh bhi nhi tha. Aur jb tk padhne wale ko apne dimag pe jor na dena pade mera likha hua samjhane me tb tk mujhe chain nhi aati. Aur mujhe logo ko confuse krne me bada maja aata hai, kaiyon ko to samjh hi nhi aata maine likha kya hai, aur wo use samjhane ke prayas bhi nhi krte, pr main khus hun, is baat se ki mere pathak we log hi hain, jo asal me mujhse prabhavit hain.

Pr ye sb to faltu ki baatein hui na!! Sawal to abhi bhi wahi barkarar hai, 'maine likhjna kyu chhoda??'
Is blog pe aaj bhi karib 200 posts drafts me pade huye hain, kuchh aise posts jo baad me unpublish kiye gaye hain, aur kuchh aise jo likhane ke baad kabhi post hi nhi huye.

Beete saalo me maine likhane ka ek naya jugaad nikala hai. Mujhe jo kuchh bhi likhna hota hai, wo main telegram ke ek channel pe type krke bhej leta hu (us channel pe kewal main hun). Kabhi agr use share krne ki tadap uthi, to simply screenshot lekar socials pe story laga deta hun. Aur beetein kuchh mahino me bhi maine bahut si chije likhi hain, kuchh filtered to kuchh unfiltered, pr jindagi ke is bhaagdaud se samay hi nhi mil pata ki un lekh ko sahi se sanjokar kabhi kahi post kar saku.

Aksar kahi akele me baith kar sochta hu, maine kitni saari hobbies paal rakhi hain, sbme thoda-thoda achha hun, pr maharath kisi me bhi haasil nhi hai. Mere sapne bahut se hain, saare bahut bade-bade hain, unhe pura krne ki chah bhi bharpoor hai, bs darta hun first step lene se. Lgta hai maano kya hoga agr aisa na ho, waisa na ho...

Yahi sb chije mujhe pareshan rakhti hain, kaafi koshish krta hun in mushkilon se ubharne ka, aur sach kahu to ye mushkile kuchh dino ki chhutti pe chali bhi jati hain, pr kabhi achanak se bina bataye wapas bhi aa jati hain. aur wo mujhe fir achha nhi lgta.

Aaj bhi itna kuchh likh chuka hu abhi upr, pr abhi bhi mere khayalo me bahut kuchh hai likhane ko, pr wo kya hai na, ab main bada ho gaya hun. Samay ne paband laga di hai mere pe.

Pr ab aur nhi, lautunga fir abhi wapas, aakhir kaun hi hai is jahan me apna, ek tum aur tumhare khayal hi apne hain, baki sb moh-maaya hai. Jeevan ki pariksha to chalti rahegi, pr filhal abhi college me pariksha chal rhi hai, aur abhi ke liye mujhe college wale pariksha me pass hona jyada jaruri hai. To, fir lautata hun ek baar ye pariksha khatm hone ke baad.

BYE
07:54 AM

Bookmark- https://sarthakrajverma.blogspot.com/ now.